Karne Norte

Bakit nga ba tinawag nating karne norte ang corned beef?

Ang corned beef ay karneng baka na inimbak sa pamamagitan ng pag-aasin.  Isang paraan ito sa pagtatago ng pagkain bago naimbento ang refrigeration.

Ang salitang corned ay mula sa kurnam, Aleman para sa “maliliit na buto ng anuman.”  Ilang halimbawa ay ang sumusunod:

buto ng trigo                = wheatcorn
buto ng barley             = barleycorn
buto ng paminta         = peppercorn.

Sapagkat ang uri ng asin na gamit sa pag-iimbak ng karneng baka ay kasinlaki ng mga nasabing butil, ito ay tinawag na corn of salt, at ang resultang produkto ay tinawag na corned beef.

Bakit dalawang hugis ang lata ng corned beef?

Iyong medyo kwadrado ay para sa madaling pagsa-salansan sa knapsack ng mga sundalo.   Mula pa noong World War I, kasama na ito sa mga supplies sa giyera.  May kasama itong susi na pambukas, para hindi kailanganin ang abre-lata.

At kung bubutasan ninyo ang kabilang dulo ng binuksang de-lata, madaling maidudulas palabas ang karne.  Sa ganoon, pwede itong i-slice tulad ng nasa larawan sa kaliwa.

Corned_beef     About the Product:

Iyong bilog na lata ay para sa pambahay na gamit.  Ito ay madaling buksan ng abre-lata, at karaniwang iniluluto bago ihain.

 

Ngayon, balikan natin ang tanong:  bakit ito tinawag na karne norte?  Alalahanin natin na sa Pilipinas lang gamit ang pangalang ito; hindi sa Espanya, Mexico o iba pang bansa sa Latin America na nagsasalita ng Kastila.

Ang sagot ay natagpuan ko sa isang miyembro ng British-Filipino.com.  Noon daw Digmaang Pilipino-Amerikano (Peb. 4, 1899 – Hulyo 2, 1902), kabilang sa supplies ng mga sundalong Amerikano and de-latang corned beef .  Ang bansag ng mga Pilipino sa nasabing pagkain ay karne Norte Amerikano.   Pagkaraan ng ilang panahon, at hanggang sa kasalukyan, pina-igsi ang pangalan at naging karne norte  na lang.

 

Kung interesado kayo sa istorya ng ating bansa, i-search ninyo ang:
Philippine-American War
Battle of Manila (1899)
Campaigns of the Philippine-American War.

 

 

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s