On Sale Ang KAMOTENG KAHOY!

May lakad ako sa linggong ito:  all-day assignment sa aking interpreting job.

Nang makita ko na baratilyo sa Pilipino grocery ang mga pakete ng frozen kamoteng kahoy (3 piraso, binalatan na at ready-to-cook, $0.99), nagpasiya ako na mag-baon ang minatamis na kamoteng kahoy.  Pwedeng meryenda, pwede ring tanghalian kung may ulam na ilang pirasong tocino.

 
Napakadaling iluto ang minatamis na kamoteng kahoy.  Ilagay sa isang kaserola ang kamote, isang kono ng panutsa, at sapat na tubig upang ilubog nang kalahati ang mga piraso.  Pakuluin, ilagay sa medium ang init ng kalan, at hayaang lumambot ang kamote.  Maigi kung bibilingin ang mga piraso para pantay ang tamis sa harap at likod.
 
Ang kamoteng kahoy ay natibong tanim sa katimugang Brazil.   Ang tawag nila dito ay manioc, manihot, yucca, cassava, tapioca, at Brazilian arrowroot (uraro, ika ng natin).    Karaniwang tawag dito sa Pilipinas ay KAMOTENG KAHOY.  Sa ilalim ng lupa ito lumalaki (tulad ng kamote) at tumataas ito (tulad ng ibang punong-kahoy).
Manihot esculenta - Köhler–s Medizinal-Pflanzen-090.jpg            
https://en.wikipedia.org/wiki/Cassavahttps://en.wikipedia.org/wiki/Cassava

Ikinalat ng mga tao at hayop ang mga buto nito, hanggang naging laganap
sa Mesoamerica, kung saan kabilang ang mga modernong bansa ng El Salvador, Guatemala, Honduras, Belize, at Mexico.  
Mula sa Mexico, dinala ng mga Kastila ang tanim na ito sa Pilipinas.

Itinuturo ni Jerry Coleby-Williams ng Brisbane, Australia
ang panibagong paraan ng pagpapa-ugat ng mga bagon tanim
na kamoteng kahoy.

Tabunan nang mababaw ang ilang tangkay.  
Siguraduhing palaging
maligamgam ang lupa.   Pag-usbong ng 
bagong, tanim,
putol-putulin at itanim nang hiwa-hiwalay. 
 
File:Disease-Resistant Cassava Revives DRC Agriculture.JPG
Dinala ng mga negosyanteng Portuges ang manioc mula sa Brazil papuntang Africa, kung saan naging pangunahing pagkain
ito ng maraming populasyon.  Nakakabusog ito, ngunit kulang sa sustansiya tulad ng protein.   
 
 
Wari ko ba, laging pumapasok sa isipin natin ang minatamis kapag nababanggit ang kamoteng kahoy. Sana ay maging adventurous naman tayo, at alamin ang mga paraan ng pagluluto nito sa ibang bansa.

Sa Google o Safari, i-type lang ninyo ang “ways of cooking cassava,”  at mamili kayo ng recipe na gusto ninyong subukan!

Advertisements

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s