My TSOKOLATE Eh!

Inggit na inggit ang dati kong ka-eskwela nang i-text ko sa kaniya ang litrato ng almusal ko kamakailan.  Tingnan ninyo naman!  Tsokolate Eh at piniritong saba.  Gaano pa ba ka-Pinas iyan! 

Super-linamnam ang inuming kong pang-agahan.  Pwedeng isawsaw ang saging na saba, dahil malapot ang tsokolate.
Na-homesick tuloy si kaibigan, na nakatira sa Bentonville, Arkansas.  Hindi raw siya marunong gumawa ng tsokolate Eh at walang makikitang saging na saba sa mga bilihan ng pagkain doon.
 

Ano ba ang kaibhan ng tsokolate Eh sa tsokolate Ah?


Ang sagot sa tanong na iyan ay makukuha natin sa nobelang Noli Me Tangere, na ikinatha ni Dr. Jose Rizal.
Ang ibig sabihin ng Eh ay “espeso.”  (Kung baga sa kape ay espresso, o matapang ang timpla.)
  
Iyong tskolate Ah ay “aguado” o matubig.  (Sa madaling salita, malabnaw ang timpla; hindi malasa!)
 
Heto ang sistema ko sa paggawa ng tsokolate Eh:
 
1.  Magsukat ng isang mug na gatas;
pwedeng galing sa galon,
o kalahating evap at kalahating tubig,
o powdered milk na tinunaw sa tubig.
2.  Ilagay ito sa maliit na lutuan at painitin
sa low heat.  Huwag pakukuluin!
 
3.  Kapag medyo mainit na ang gatas, ihulog ang 1 o 2 tablea ng tsokolate, depende sa panlasa mo.
Pwedeng gamitin ang tableang binili sa palengke,
o iyong galing sa probinsiya ninyo.


http://www.confessionsofachocoholic.com/wp-content/uploads/2012/01/tablea.jpg
 
 
Ang ginamit ko ay 2 kwadrado ng 100% cacao, tulad na nakalarawan dito:
Sale sa supermarket, $1.99 isang pakete, kaya nag-imbak ako.  Limang mug ng tsokolate Eh ang magagawa ko sa isang pakete.
4.  Timplahan ng isang matambok na kutsaritang asukal, haluin hanggang matunaw .  Huwag pakukuluin!
 
5.  Isalin ang timpladong hot chocolate sa mug.

Pa-ibabawan ng kaunting evap mula sa lata, para creamy ang dating.

 

YUM talaga!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s