Mag-garden Tayo sa Paso

Nasa bahay ako ng mga kaibigan sa Davao nang napansin kong lumabas ang anak habang nagluluto ang ina.  Tanong ko, “Saan pupunta si Amanda?”

Ang sagot: “Sa kanto, bibili ng kamatis.”

May malawak na lupa sa likod-bahay ang pamilyang ito. Halos wala namang tanim sa bakanteng lugar; winawalis ng katulong araw-araw, kaya naging matigas na ang lupa sa kawalan ng topsoil.

“Bakit hindi ka magtanim ng kamatis sa likuran? Ang laki ng bakuran mo, pwede kang magkaroon ng gulayan,” suggestion ko.

“Abala lang iyon,” sagot ng Misis.

 

Wa na ‘ko say!  Mas gusto pa nilang gumasta para bumili ng pansahog, at pabayaang naka-tengga ang lupa sa likod-bahay.   What’s wrong with these people?

Ako po ay nakatira sa hilagang California, isang oras ang layo sa San Francisco. Di tulad ng mga kakilala ninyo sa Daly City (kung saan laging mahamog at hindi pwedeng makabuhay ng kamatis at iba pang gulay), ang tinitirhan ko ay masagana sa araw kapag sumampa na ang Spring, at lalo na kung Summer.  
 
Siguro ay dala ng kawalan namin ng lupa sa Maynila, kaya ako’y sabik na sabik magtanim ng mga gulay.  Hindi kailangang maghanap ng mga pakete ng buto para makapag-umpisa ng maliit na gulayan.  Sa totoo lang, isa o dalawang puno ng kamatis ay tama na para sa pangangailangan ng isang kabahayan.
Kapag may nagamit kayong mahusay na klaseng kamatis, i-save ninyo ang buto sa napkin.  Patuyuin ang mga ito at tabunan ng kaunting lupa ang napkin.  Siguradong magkakaroon kayo ng mga puno ng kamatis, at mayroon pang pwedeng ipamigay sa mga interesadong kaibigan!
 
Hindi kailangan ang malawak na lupa para magkaroon ng hardin.  Ilang paso lang ay sapat na para sa kamatis, strawberries, sibuyas, sitsaro, at sili.  
Maigi kung may dalawang kamatis na tanim: cherry, at regular na klase.  Iyong cherry tomatoes ay parang kendi; masarap papakin pagkapitas!  Kung mayroon kayong kamatis na pang-gisa, hindi na kailangang bumili sa palengke!
 
 
Kung may ilan kayong tanim na sibuyas, madaling gumupit ng dahon nito para sa mga salad o sawsawan, tulad ng pinaghalong manga at kamatis.
Bumili lang kayo ng ilang maliliit na sibuyas, at ilubog sa paso.
 
 
Kung hindi pa kayo nakakatikim ng sariwang sitsaro, you’re missing something!   Malutong, malinamnam, at maraming sustansiya!
Kung walang mabilhan ng buto, humingi ng ilang “magulang” na sitsaro sa palengke,
patuyuin ang buto, at iyon ang ipunla.
 
Ang sili ay madaling alagaan, at maigi kung madaling kuhanin
“diyan lang sa paso” para makapag-timpla ng lutuin.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s