Hopia, Mani, Popcorn!

May idad na ako talaga!  Natatandaan ko pa iyong mga mumurahing sinehan na double-program ang palabas, walang air-con ang bulwagan, at kung minsan may surot sa mga silya.  Isa pang bahagi ng nasabing “2nd-run sine experience” ang mga naglalako ng sitserya sa loob ng sinehan, nagsasabi ng “Hopia, Mani, Popcorn!” kahit may dialog na kailangang marinig ang mga manonood.
 
Ang tatlong sitseryang nasabi — hopia, mani, popcorn — ay katunayan na ang Pilipinas ay tunay na “cosmopolitan.”
 
Ayon sa Oxford Dictionaries, ang taong cosmopolitan ay sanay at gamay gumalaw sa iba’t-ibang bansa at kultura.  Siya ay maraming karanasan sa mundo, sanay sa karangyaan nguni’t hindi asiwa sa kahirapan, pino sa kilos at salita, may “class” magdala ng damit kahit hindi ito mamahalin, at kasundo ang halos lahat ng kapwa.  Masasabi mo bang ikaw ay cosmopolitan?
 
 
Balik tayo sa sinehan.  Alam ba ninyo na hindi katutubong pagkain iyang hopia, mani, at popcorn?  Hinango ang mga ito sa iba’t ibang kultura na nakilala ng ating bansa sa pagdaan ng matagal na panahon.
 
 
Ang HOPIA… Korek, tama kayo, Intsik iyan!  Ang ibig sabihin ng pangalan nito ay “good pastry.”  Dala ng mga immigrant mula sa Fujian Province (sa katimugang Tsina) ang paraan ng paggawa ng “bakpia”, na kilala natin bilang “hopia.”
 
Ilang patong ng maninipis na balot ang nakapaligid sa palaman ng hopia, na karaniwan ay minatamis na munggong maputi.  Kung ang palaman ay halo ng minatamis na arina, kundol at mantika, iyan ay hopiang baboy
 
May isa pang klaseng hopia, na kung minsan ay kwadrado ang hugis, at ang palaman ay minatamis na red adzuki beans (maitim na ito pag nailuto).  Ang balat nito ay mala-tinapay, hindi tulad ng naunang klase na parang manipis na papel ang balot.  Ang tawag dito ay hopiang Hapon, dahil siguro sa palaman na adzuki beans, na madalas gamit sa putaheng Hapones.
  HOPIANG DICE    Hopiang Hapon
http://www.mytaste.ph/s/hopiang-dice.html                                            http://www.magluto.com/how-to-make-cook-hopiang-hapon     
Sa Hawaii ay mayroon silang kakanin na ang tawag ay ‘haupia,” pero ito ay isang uri ng coconut pudding.
 
 
Ang MANI ay salitang Kastila, at isa ito sa mga pangalan ng tanim na unang lumaki sa bandang Argentina at Bolivia sa South America.  Ang tawag dito ng mga natibo ay tlalcacahuatl… na naging cacahuate nang maging kastilaloy ang mga Mexikano.

Sa Espanya, dalawa ang tawag dito: kung minsan ay mani, at pwede ring cacahuate.  Nakarating sa ating mga baybayin ang mani nang masakop tayo ng pamahalaan ng Bagong Espanya na nagmula sa Mexico.

 

Sa Tagalog, ang ibig sabihin ang salitang “kakawate” ay ibang klaseng tanim; kilala rin ito sa pangalang madrecacao, at ganito ang itsura ng puno, bunga at bulaklak nito:
Katulad na singkamas at iba pang produkto ng lupain, and mani ay naikalat sa Asia sa pamamagitan ng kalakalan noong panahon ng galleon trade.  Sige and dating ng mga negosyanteng taga-Indonesia, Thailand, Tsina, Vietnam, India, at iba pang lugar; layon nila ay mag-benta ng anumang magugustuhan ng mga taga Mexico, Espanya, at iba pang taga-Europa.
Arachis hypogaea - Köhler–s Medizinal-Pflanzen-163.jpg
https://en.wikipedia.org/wiki/Peanut
Kakaiba kung magbunga ang mani:
nasa ilalim ng lupa, kaya isa pang
tawag dito bukod sa “peanuts”
ay “groundnuts.”

Sa Tagalog, ang POPCORN ay “putok-mais” … so stick na lang tayo sa Ingles na pangalan.  Tutal, galing naman sa Amerika ang sitseryang ito.

 

Sa Mexico daw unang tumubo ang damong nagbubunga na mais, may 5,000 taon na ang nakakaraan.  Siguro naman alam ninyo na may iba-ibang klase ang mais.  May lagain, may pampakain sa manok at baboy, may lagkitan, at may pang-popcorn.
 
Matigas ang balat ng popcorn.  Kapag nainitan ang mga butil, nagpupumilit lumabas ang tubig at langis sa loob.  Ang resulta ay pagputok ng butil, at nakikita natin ang mala-bulak na meryenda!
Wala na raw 2nd-run na sinehan sa Pinas, kaya ang popcorn
ay makikitang nilalako sa kalye, mga mall, at palengke.
Advertisements

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s