XOCOLATL

Nahulaan ba ninyo ang ibig sabihin ng pamagat ng blog ko ngayon?
 
Tama, tsokolate!   Xocolatl ang tawag dito ng mga natibong tao sa Mesoamerica, ang bahagi ng gitna at katimugang Amerika na kinasasakupan ngayon ng mga bansang makikita sa mapang sumusunod:
 

 

Laganap sa daigdig ang pagkagusto sa tsokolate; halos lahat tayo ay mahilig sa kending tsokolate, sorbetes na tsokolate, cake na tsokolate, atbp.  Kung may espesyal na okasyon tulad ng bertdey o Valentine, ang isang kahon ng mahusay na klaseng kending tsokolate ay paboritong regalo.  Kung masama ang pakiramdam natin sa kalooban, parang magic ang epekto ng isang chocolate bar para mapasigla ang paningin natin sa mundo.

 

Sa kasa-surf ko kagabi sa internet, nakabasa ako ng recipe para sa Aztec-style hot chocolate.  “Matapang” ang timpla ng tsokolate at hindi gaanong matamis.

www.dailymail.co.uk/news/article-2809092/How-cup-cocoa-bed-hel…


Ayon sa historya ng bansang Mexico, ang lider ng mga Aztec na si Montezuma ay umiinom ng tsokolate noong dumating sa kaniyang bulwagang pangkaharian sa Teotihuacan ang Kastilang manlalakbay na si Hernando Cortez.  Ang tsokolate sa nasabing inumin ay niluto sa tubig at tinimplahan ng katas ng vanilla at sili.  Walang asukal, walang gatas.  

 
Iyan ang moda ngayon sa pagkonsumo ng tsokolate sa America, at siguro sa Pilipinas na rin (dahil hindi nahuhuli sa gaya ang mga Pinoy!).  Ang mga kompaniyang gumagawa ng chocolate bar ay naglalabas ng mga produkto na halos purong tsokolate, o kaya ay may halong asin, o sili, o balat ng dalanghita.  
 
 
Dalawa ang kaibahan ng ating nakagawiang tsokolate, kung iku-kumpara sa inumin ni Montezuma.  Una, may dagdag tayong gatas para mabawasan ang pait at maging malinamnam ang produkto.  Pangalawa, may dagdag tayong asukal para tumamis at lalong maging masarap ang tsokolate.
 
 
Nang dumating ang mga Kastila sa siyudad ng Teotihuacan, hindi gumagamit ng gatas na panimpla ang mga tao roon dahil wala silang baka na pwedeng gatasan.  Ang nasabing hayop ay dinala at ipinalaganap ng mga Kastila nang sakupin na nila ang ka-Amerikahan.  Hindi rin gawing tamisan ng mga Aztec ang inumin nilang tsokolate, dahil wala silang asukal.
Ang tubo (sugarcane) na pinangkukunan ng asukal ay nagmula sa India
at kumalat papuntang Europa sa pamamagitan ng Daang Seda (Silk Road).
Noong siglo 1500, hindi pa nakakarating ang tanim na tubo sa Mesoamerica.
Advertisements

One response

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s